August 6, 2021, Friday
२०७८ श्रावण २२

रञ्जनको कैद घटाउने सर्वोच्चको फैसलाविरुद्ध पुनरावलोकन निवेदन दर्ता

काठमाडाैं । पत्नी हत्या अभियोगमा थुनामुक्त भएका रञ्जन कोरालालाई सयाय छुट दिने सर्वोच्च अदालतको फैसलामा पुनरावलोकन माग गर्दै निवेदन दर्ता भएको छ ।

महान्यायधिवक्ताको कार्यालयले फैसलाको पुनरावलोकनमा जाने निर्णय गरेसँगै सरकारी वकिलले सर्वोच्च अदालतमा बिहिबार फैसला पुनरावलोकन गर्न माग गर्दै निवेदन दर्ता गराएको हो ।

महान्यायधिवक्ता अग्नी खरेलका अनुसार सर्वोच्च अदालतको फैसला चित्त नबुझेपछि पुनरावेदन गर्न निवेदन दर्ता गराइएको हो ।

सर्वोच्च अदालतका प्रधानन्यायाधीस चोलेन्द्र शमसेर जबरा र न्यायाधीश तेजबहादुर केसीको संयुक्त इजलासले पत्नी हत्या अभियोगका दोषी सशस्त्रका पूर्व डीआईजी रञ्जन कोइरालाको कैद सजात घटाएर ८ वर्ष ६ महिना कायम गरिदिएका थिए । उनलाई जिल्ला र पुनरावेदन अदालतले हत्या अभियोगमा दोषी ठहर गर्दै सर्वस्वसहित जन्म कैदको सजाय तोकेको थियो । तर, उक्त फैसलालाई सर्वोच्चले उल्ट्याइदिएको हो ।

सर्वोच्च अदालतको फैसलामा चित्त नबुझे दुई आधारमा मुद्धामा पुनरावलोकन गर्न पाइने व्यवस्था छ । त्यसमा फैसला उल्ट्याउन सक्ने प्रमाण आएमा वा सर्वोच्च अदालतले त्यस्तै प्रकृतिको मुद्धामा गरेको फैसलाको व्याख्या भन्दा फरक परेमा पुनरावलोकन गर्न निवेदन दिन सकिने कानुनी व्यवस्था छ । तर, न्यायीक पुनरावलोकनबाट फैसला उल्ट्याउने वा यथावत राख्ने भन्ने अधिकार सर्वोच्च अदालतलाई नै हुन्छ । यस्तो मुद्धामा जुन न्यायाधीसले फैसला गर्छन त्यहि न्यायाधीसले पुनरावलोकन गर्न भने पाउदैनन् ।